منتدي الشباب السوداني
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


مرحبا بك يا زائر في منتدي الشباب السوداني
 
الرئيسيةالبوابةاليوميةمكتبة الصورس .و .جبحـثالتسجيلدخول
تم تحويل المنتدي الي رابط ثاني سيتم التحويل تلقائي

شاطر | 
 

 نكات جديده لنج كرت كرتونه ..!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ĴŐĶËŘ
المدير العام
المدير العام
avatar

رقم العضوية : 1
مكآن آلآقامة : قطر
ذكر
الهواية المفضلة : السفر
المهنــة : جامعي
مزاجك اليوم :
عدد المساهمات : 432
نقاط : 6645
السٌّمعَة : 10
آلآوســـــمة :

مُساهمةموضوع: نكات جديده لنج كرت كرتونه ..!!   الثلاثاء مارس 09, 2010 3:54 pm



أدروب سأل مسطول: عيد الضحية الخروف نضبح، عيد حب نسوي شنو؟ المسطول قال : عيد حب الخروف تجكس


بعد إعلان شركة الإتصالات السودانية بضرورة إضافة الرقم تسعة بعد الرمز الأول في دليل الهاتف ظهرت الرسالة الآتية:
*ا9حمد
ن9وال
ب9در
ط9لال
ع9ثمان
مسطول يعدل في موبايلو بعد إضافة الرقم 9

اثنين مساطيل .. راكبين عربية الأول سايق والثاني راكب ورا .. الراكب ورا سطل سطلة شديدة .. ماشين في شارع النيل .. السايق شاف الشجرة (مضروبة جير أبيض نصها التحت) أفتكرها عسكري حركة .. راح واقف .. لما شافها شجرة ضحك وطلع طوالي .. بعد مسافة الثاني من ورا .. قال ليه .. التافه دا قال ليك شنو ؟

مسطول قال : بعد ما رفعت الفاتحة إتذكرت إنهم أقباط ، قمت رشيتهم بـ يا أيها الكافرون

مسطول قالوا ليهو : الصينيين بولدوا كل دقيقة طفل .
قال : دا التقدم مش زي هنا كل 9 شهور طفل

مسطول ... مفلس فلس شديد
لقى ليه زير وحضنو وقاليه: وين يا مرطب

مسطول سمع دقه باب البيت فتح الباب ما لقي زول ..قال ده مس كول ولا شنو ؟؟؟

مسطول جارى مخلوع سالوه مالك
قال انا ماشى فى الكلب عفصت لى شارع
فى جلابيتو مسكنى من ضنبى..

مسطول بيصلى قام صاحبو ضرب ليهو تلفون قال ليهو انت وين ؟؟ قال انا فى التحيات لله .......!!!!!!!!!

خمسة مساطيل يصلو .. واحد منهم عطس وقال الحمد لله.. قال الثاني يرحمك الله ..قال الثالث ما صاح تتكلمو في الصلاة .. قال الرابع كلكم صلاتكم باطلة.. قال الخامس الحمد لله انا ما تكلمت!

مسطول يقول لاخوه :
أتحداك تجيب اسم دولة أوروبية ....لو ختيت نقطة على آخر حرف ‏فيها ....يطلع لك اسم عَالِم ذرَّة
قال المسطول التانى :بصراحة ماعارف !!
قال المسطول :
الدولة هي قطر وإذا ختيت النقطة بتصير قطز
قال التانى :
قطز عالِم ‏ذرَّة ؟؟!!
قال المسطول :
يعني قطر هي اللي دولة أوروبية ؟؟

مسطول مشى سوق 6 قال ليهم داير لي نقاش ... جوهو (40) نقاش قال ليهم... يلا انقشوني انا جايي من وين ؟.

اثنين مساطيل راقدين في أوضة قصادها برندة واحد قال للتاني انا شايف مرق الأوضة دي يطلع ويجي التاني قالو خليهو يمكن شغال أوضة - برندة.


مسطول لقي نفسه قدام نمر ما عرف يتصرف قال ليهو : أكلني تاكل السم .

مسطول راسه مصدع؟ اشترى بنادول ومالقى مويه بلع الحبة وتيمم

مسطول ولدو عيان وداهو الدكتور
الدكتور قال ليهو: ولدك دا عندو تسمم شرب لبن مدتو منتهيه
المسطول قال ليهو: تكون رضعتو حبوبتو...


في مدرّس نقلوهو جهة الرباطاب ومن أول يوم في المدرسة
لاحظ حمار في الشارع يتاوق بشباك الفصل ويدعك جسمه ويمشي كل يوم كده
قام الأستاذ قال للطلاب : الحمار دا عندو ود عم هنا ولا شنو؟؟
قام طالب من أولاد الرباطاب قال ليهو : يا أستاذ الحمار دا بيجي في حصّتك بس.

مسطول سألوه عن الفرق بين الشهد والشهيد؟
قال : الإتنين بيتلحْســــو


واحد مسطول داير يحتفل بيوم الطفل بال في لباسو

اثنين عساكر مساطيل في حفلة بنادي الضباط شا فوا العروس لابسه فستان كله نجوم
واحد سأل صحبه دي رتبتها شنو ؟

مسطول مرتو ماتت قالو ليه نديك أختا؟ قال ليهم: معقول ياخي .. ديل نسابة ولا شركة تأمين أًصلو

مسطول طالع من الدكتور بتكلم مع روحه:
ضب في صحن؟ .. لا لا
سحليه فى جك؟ .. لا لا
قعونجه فى جردل؟ .. لا لا
تمساح فى بانيو؟ .. لا لا
رجع للدكتور تانى وقاليهو: إنتا يا دكتور قلت عندي شنو؟؟
قاليهو : عندك سرطان فى الحوض...

اربعة مساطيل دخلوا امتحان جاهم سؤال فى الامتحان : كم
عددارجل الغنماية وكلهم سألوا صاحبهم حسين وما كان بيرد عليهم ولما خلص
الامتحان ولاقوه برة قالوا ليهو : ليه ما بترد ..!؟ قاليهم : المراقب كان جنبى وما قادر اطلع
الغنماية

رباطابي مشى لسيد الدكان قال ليه ادينى سيجارة وعلبة امواس
صاحبنا بتاع الدكان اضانو تقيلة مشى جاب ليه قلم وكراس وقال ليه اديك
بالباقى شنو الرباطابي عاين ليه وقال ليه ادينى بيه إملاء

مسطول سايق اسعاف في الحرب
نقل 35 قتيل ...
سمع بالراديو سقوط 30 قتيل !
وقف وفتح الباب وقال: الخمسه الراكبين حنك ينزلوا .!

مسطول قال : والله من شدة السخانة طلعت الشارع لقيت الشارع قاعد فى الضل

مسطول بيحكي لي واحد مسطول نكتة قال ليهو في واحد ماشي في الصحرا طلع ليهو تمساح من البحر قال ليهو عندك معجون قال ليهو ليه شايفني محامي

سواق أمجاد راكب جنبو واحد سمـــــــــين لدرجة انو ما قادر يسوق،
في واحد مسطول في الكنبة الخلفية قال للسواق: يا ابن العم شيل دركسونك وتعال معانا بي وراء

شايقى جاهو شحات فى عيد الضحية فقام الشايقىوقال ليهو:
اللحم اكلنا,والراس عملنا باسم, والكرعين كوارع,والجلد مصلاية,وكان فى طريقة(باااااااااااااااااع)ذاتها نعملها نغمة للموبايل

مسطول عجبتو بت في الحافلة لما نزل شال رقم الحافله

مسطول سأل صاحبو قال ليهو: الشيء البقول ناووو وبطير ده شنو؟ قال: كديسة وشايتنها شلوت!!

واحد عندو غنماية ضعيييييييييييفه وداها السوق عشان يبيعا .. اول ما دخل السوق لاقاو تاجر سألو الغنماية دي ادوك فيها كم ؟ الزول قال ليو ادوني فيها 750 الف .. الغنماية دنقرت راسا و قعدت تضحك

فار اتزوج دودة ام اربعة واربعين طلقها عشان قروش الحنانه !

اتنين مساطيل حضرو ليهم حادث انقلاب بوكسي
بقى واحد فيهم يمسك الزول ويقول ليهو
1+1 كم
وطاخ...يديهو كف
1+1 كم
وطاخ.. كف
التاني عاين ليهو كويس
وقال ليهو
هوي ما تكفتن ساي
يمكن بليدين

المسطول مربى ليهو قرد فى البيت .. القرد صاحبنا عيان راقد فى المستشفى، جا المسطول الصباح يسال الدكتور من صحة القرد..
الدكتور (ضارب سجارة الصباح): واللهى يا عمك القرد ده بين الحياة والموز ..


المسطول مشى للدكتور يشتكي من الصداع فسأله الدكتور انت لما تكون نايم بيكون الشباك مفتوح او مقفول؟ المسطول قال ليهو مقفول .. قام الدكتور قال ليهو سيبوا مفتوح ونوم .. اليوم التاني جاء صاحبنا فساله الدكتور راح الصداع ؟؟؟؟
قال ليهو ه الصداع راح والمكيف راح والثلاجة راحت..

مسطول دخل مطعم .. قال للجرسون:" عايز واحد فول .. بس يكون من غير سلطة
الجرسون قال ليه:" السلطة الخضراء العندنا شطبت ما عندنا غير سلطة طحينة
المسطول قال ليه:"ما فى مشكلة .. طيب أعمله من غير سلطة طحينة..

قال ليك واحد مسطول زار ناس كدة و قاعد يسأل فى بتهم الصغيرة اسمك منو ياشاطرة؟
قالت ليهو : أسماء
قال ليها يعنى مافى اسم محدد..!!!!!!!!!!!

مساطيل إحدي القرى على طريق مدني - الخرطوم
اخترعوا يلعبوا في شارع الزلط لعبة البتطقة العربية مرتين يطلع برة ...

مساطيل بيتسطلوا جنب خزان سنار .. واحد وقع جوه الخزان .. التاني مشى يستناهو جنب الماسوره..

واحد مسطول وقع من السلم مشى للدكتور ...اداهو دواء قال ليهو: امسح مكان الوقعة
تتصوروا صاحبنا عمل شنو ؟؟؟ مشى مسح السلم

اتنين مساطيل الاول سال التاني : جرحتي كبيرة ولا صغيرة . داك قال ليو مناسبة

واحد مسطول راكب عربية في عز الشتاء
شايل معاه عيش حااار في الكنبة الورا
حاول يشيل عيشة ما لحق
خته خلف..


الاستاذفى نص الحصة بيقول للطلبة طبعا نحن كلنا جينا من ادم وحواء
نط شافع شليييق قال ليهو : انا ابوى قال لى الانسان اصلو قرد
الاستاذ عاين ليهوا لقاهوا شيييييين قاليهو : يا ابنى نحن بنتكلم بصورة عامة ما عن اسرتكم على وجه التحديد ..

واحد مسطول سال ناس بيتهم جيرانا ديل ضابحين ولا شنو قالو ليهو ليه!!
قال ليهم (صوت ) الابرى ده شنو؟؟

مسطول سال ليهو دكتور قال ليهو :
انتو ليه يا دكتور بتحللو البول وبتحرمو الخمره ؟


مساطيل فى بيت العزابة شافوا الغنية بتاعت (آه ونص)
عملوا شييرن واشتروا غسالة لننانسي عجرم..

واحد ماشي بعربيته فجأة طارت مسامير اللستك كلها ، جا ماري بي جمبو واحد مسطول قال ليهوا :شيل مسمار من كل لستك وركب اللستك الطارت مساميره .
الراجل اتكيف من الفكرة .. رد على المسطول طيب بقولو عليك مسطول ليه ؟
المسطول قال ليهو أخير يقولو علي مسطول ولا يقولو حمار..

المسطول فى الجيش قالو ليهو نديك شريطين تمشى دارفور قال والله لو اديتونى مسجل ما اامشى ..

مسطول مشى ل واحدة بتبيع عشاء قال ليها اسمعى يا خالة عندك بيض قالت ليه اااااى
قال ليها غرييييييييييييييبة لكن


سواق حافله مسطوول الكمسارى قال ليهو اللستك نزل..
قال ليهو ليهو حاسبتو ؟؟؟

قاليك اتنين مساطيل قاعدين بضربو فى سجارة ..قام واحد قال لي التانى امبارح كونتة قاعد في البلكونة... قامت وقعت فيني حلمبشوتة.....قام التاني قاليهو.... يعني شنو بلكونة ؟؟؟


واحد سكران بيسأل من بيت جماعة...واحد قاعد يوصف ليهوا:
تمشى بى شارع كبسولة بسط الامن الشامل دييييك .. تخش على شارع المحكمة .. تخلى مركز الشرطة على يمينك .. البيت الفاتح على بيت الامن طوالى دا البيت...رد عليهوا السكران:
فى ذمتك اسى شارعك الوصفتو دا زول شارب كركدى بمشى بيهو ؟؟؟ ......

مسطول كان بردان برد شديد جدا جدا قام شغل الدفاية ..وارتاح شوية كده قام سرح كده وقال :
ربنا ما يحرمنا منك لا فى الدنيا ولا الاخرة ..

مره واحد خرمان ليهو لى سيجارة .. قام من النوم يفتش !! ما لقى كبريتة و لا ولاعه ... طفى الشمعه و نام ..

في حفره جنب محل السجارات يقع فيها مسطول كل يوم و يموت ..فاجتمعوا المساطيل و قرروا الحلول
التالية :
1) يختوا سيارة اسعاف جنب الحفره...
2) او يبنوا مستشفى جنب الحفره ..
3) او يدفنون الحفره و يحفروا واحده ثانيه جنب المستشفى..

المسطول ماشى فى الشارع لقى ليهو فانوس قديم .. شاتوا قام طلع ليهوا المارد الفى المصباح قال ليهوا اطلب اى طلب احققوا ليك ..
قال ليهوا ابنى لى كوبرى من الخرطوم هنا لى الجنوب ..
المارد قال ليهوا ياخى اطلب ليك طلب زى الناس ما توسع بينا ..
المسطول عاين كده : قال ليهوا عاوز السيجارات دى تبقى هملة .. والناس دى كلها بتتسطل .. والسجارات دى نصدرها عديل لى اميركا .. وحبذا لو قلبت معاك الحكومة فى طريقك ..
المارد عاين ليهوا قال ليهوا : اها الجسر عاوزوا ماشى جاى ولا ماشى بس ؟؟؟؟

المسطول ضرب لى بوش وقال ليهوا نحن قررنا نغزو اميركا ..
جورج بوش : انتو منو ؟
المسطول : انا والفرد .. ود اللواء .. وكلوش .. والشباب الحلوين كلهم ..
بوش : يا عمك انت ما عارف انا عندى احتياطى جنود ما يقارب 3 مليون جندى جاهزين لاى حرب ؟؟
المسطول : ااه .. منو .. كم ؟؟ .. اوكى الكلام ده انا ما مستعد ليهوا كدى خلينى اتشاور مع الشباب وارجع ليك بالقرار ..
اليوم الثانى .........
المسطول: يا بشو .. نحن قررنا ما نغزو اميركا.
بوش : (ساخرا) ليه ؟؟؟
المسطول : والله يا عمك .. ما عندنا مكان لى 3 مليون اسير امريكى ..

نبويه بتنادي بأعلى صوتها من البلكونه على جارتها: الحقوني حماتي عوزه تنتحر وترمي نفسها من الشباك !
قالت احدي جاراتها: وانتي مالك يا نبويه
قالت: الشباك ماينفتحش
****
بدوي حب يجامل و يدلع زوجته قال لها: انتي حمامه
قالت: لا أنا غزاله قالها: المهم حيوانه
****
واحد بيسأل صاحبه الذكي جداً: الهند بعيدة؟
قال: ما أعتقد لأن في هندي معانا في الشغل بيجي على بسكليت
****
اثنين مساطيل فوق برج دبي
واحد منهم قال: لو أقع كم من الزمن وأصل الأرض ؟
قال الثاني: 3 أيام
قال: تفتكر إني ممكن أموت
قال: شي طبيعي 3 أيام لا أكل ولا شرب


ان شاء الله تعجبكم ..!!


[center] cheers bounce Laughing
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alsababalsudani.alldiscussion.net
ĶĪĿĿỆṜ
مشرف القسم الأسلامي
مشرف القسم الأسلامي
avatar

رقم العضوية : 55
مكآن آلآقامة : قطر
ذكر
الهواية المفضلة : الرياضة
المهنــة : طالب
كيف تعرفت علينا : صديق
مزاجك اليوم :
عدد المساهمات : 193
نقاط : 5770
السٌّمعَة : 12
آلآوســـــمة :

مُساهمةموضوع: رد: نكات جديده لنج كرت كرتونه ..!!   الإثنين أغسطس 09, 2010 4:57 pm

ههههه
اشكرك جزيل الشكر




[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نكات جديده لنج كرت كرتونه ..!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي الشباب السوداني :: منتدي النكات والطرائف-
انتقل الى:  
حقوق المنتدي
الساعة الأن بتوقيت (السودان)
جميع الحقوق محفوظة لـ{منتدي الشباب السوداني}
 Powered by ĞǾǾBỶ ЯaŝŦa ®alsababalsudani.alldiscussion.net
حقوق الطبع والنشر©2011 - 2010
تسجيل صفحاتك المفضلة في مواقع خارجية
تسجيل صفحاتك المفضلة في مواقع خارجية digg  تسجيل صفحاتك المفضلة في مواقع خارجية delicious  تسجيل صفحاتك المفضلة في مواقع خارجية reddit  تسجيل صفحاتك المفضلة في مواقع خارجية stumbleupon  تسجيل صفحاتك المفضلة في مواقع خارجية slashdot  تسجيل صفحاتك المفضلة في مواقع خارجية yahoo  تسجيل صفحاتك المفضلة في مواقع خارجية google  تسجيل صفحاتك المفضلة في مواقع خارجية blogmarks  تسجيل صفحاتك المفضلة في مواقع خارجية live      

قم بحفض و مشاطرة الرابط منتدي الشباب السوداني على موقع حفض الصفحات

قم بحفض و مشاطرة الرابط منتدي الشباب السوداني على موقع حفض الصفحات
مرحبا بك يا زائر انت الزائر رقم
dream weaver tracking