منتدي الشباب السوداني
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


مرحبا بك يا زائر في منتدي الشباب السوداني
 
الرئيسيةالبوابةاليوميةمكتبة الصورس .و .جبحـثالتسجيلدخول
تم تحويل المنتدي الي رابط ثاني سيتم التحويل تلقائي

شاطر | 
 

 التربية و......التعليم؟؟؟؟

اذهب الى الأسفل 
كاتب الموضوعرسالة
طه عواض
مقيم مبتدئ
مقيم مبتدئ


رقم العضوية : 58
مكآن آلآقامة : السودان
ذكر
الهواية المفضلة : المطالعة
المهنــة :
كيف تعرفت علينا : الهوتميل
مزاجك اليوم :
عدد المساهمات : 26
نقاط : 5880
السٌّمعَة : 12
آلآوســـــمة :

مُساهمةموضوع: التربية و......التعليم؟؟؟؟   الأحد أغسطس 01, 2010 4:16 pm

قصة حصلت مع واحد صاحبى شائت به الظروف أنو أمشى بعثة علمية لي أنجلترا..ولما وصل هناك وعشان أتأقلم مع المجتمع الأنجليزى وأكتسب اللغة وفن التعمل أستضدافتو أسرة أنجليزية بتتكون من أربعة أفراد(أب وأم وطفيين)
بأتفاق مع السفارة السودانية هناك.
وفعلا صاحبى قعد معاهم وعاشرهم فى أمان الله ..
وفى يوم من الأيام وبعد مامرق الزوجان كعادتهم للشغل كان صاحبى قاعد مع الأطفال فى البيت..فقامو الأطفال أشاروا عليهو بأنهم دايرين ألعبو بالكورة فى الباحة الأمامية للمنزل.. وفعلا صاحبى أستجاب ليى رغبتهم ومرق ألعب معاهم بالكورة فى الحديقة وفى أثناء اللعب طارت الكورة و...(طااااااخ) كسرت ليها أصيصة زهور من صف الأصيص الفى الحديقة فقام صاحب (سريع سريع )وعشان اتفادى الأحراج نظف المحلة من بقايا (الأصيصة) الأتكسرت ..ومشا أقرب محل بتاع زهور وأشترى أصيصة زى الأتكسرت.. يعنى زي مابقولو(أختا بت أمها وأبوها)
وختاها محل الاتكسرت ..وزى (المحاصل حاجة)
وطبعا الكلام ده كلو والأطفال قاعديين ومشاهدين للمنظر؟؟
وفى نهاية اليوم رجع الزوجين للمنزل وكالعادة سألو صاحبى عن اليوم مشا كيف و(الجديد شنو)؟
فقام صاحبى قاليهم :تمام التمام.. لعبنا بالكورة وشاهدنا التلفيزيون حبة و..بس!
ومازكر حكاية الأصيصة الأتكسرت بأعتبار أنو (ماحصل حاجة) وهو فى النهاية ماجاب واحدة زيها (والموضوع أنتهى)
..لكن الموضوع ما أنتهى زى ماكان بظن لانو الطفلين (أستغربو) من سلوك صاحبى( طالب الدراسات العليا ).. وكلمو أهلهم بالحقيقة ..
فما كان من الزوجين الأأنهم أستدعو السفارة تمهيدا لطرد صاحبى من ضيافتهم بحجة أنو (كضاب) ولو قعد معاهم حأخرب
طبع أطفالهم وأعلمهم (الكضب)..وأتخيلو حجم المشكلة بعداك
وفعلا... جا مسؤؤل السفارة وقعد مع الأسرة..(وشيلك)و( ختك) ..و(معليش).. و(امسحوها لينا فى وشنا)....(والزول دة ماكان بقصد)..وبعد تعب شديد ومجهود من مسؤؤل السفارة تراجعت الأسرة عن طرد صاحبي بشرطين
الأول ..خاص بالسفارة وهى دفع غرامة مالية معتبرة لانو صاحبى مواطن( سودانى )وجا بي واسطة السفارة
والشرط الثانى.. برضو عقوبة لكن تطبق علي ( صاحبى).. وهى عبارة عن قراية صفحتين من كتاب بتكلم عن( الصدق)..وأهيتة فى حياة الأنسان
ماكدة بس ..بل تسميع القراهو فى شكل خطبة تلقى على مسامع الأسرة
أتخيلتو معاى المنظر(الأسرة قاعدة فى نفس الحديقة..وصاحبى واقف قدامهم وفاتح الكتاب وببسمع:الصدق مفيد لحياتنا لأنه يكسبك أحترام الآخرين وثقتهم!!
وبالمناسبة.. تصرف صاحبى ده كان ممكن أكون تصرف الكتير مننا ..تصرف فيهو شئ من عدم (الأكتراث )أو عدم الرغبة فى أثارة تسأولات نظن أننا فى غنى عنها..أو زكر تفاصيل تعتفد أنها غير مهمة(شنو يعنى؟؟.. أصيصة أتكسرت وجبنا واحدة غيرها)
من أكون ده منطقنا ..لكن الأمر مختلف عند تلك الأسرة الأنجليزية..
عندا فى السودان.. زمان الأنجليز لما عملو الوزارة الأكاديمية قدمو كلمة (التربية )على كلمة (التعليم)
والأن مع ظهور التعليم الخاص والمدارس المتخصصة بقه التعليم أولا.. ثم التربية فى الأخير..
وفى أنتظار تعليقاتكم...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ĴŐĶËŘ
المدير العام
المدير العام
avatar

رقم العضوية : 1
مكآن آلآقامة : قطر
ذكر
الهواية المفضلة : السفر
المهنــة : جامعي
مزاجك اليوم :
عدد المساهمات : 432
نقاط : 7065
السٌّمعَة : 10
آلآوســـــمة :

مُساهمةموضوع: رد: التربية و......التعليم؟؟؟؟   الأحد أغسطس 01, 2010 5:02 pm

هههههههههههههههههههههههههههههههههههههههه

والله مشكلة شوف بالله كانت نيته خير انقلبت ضددو

والله الخواجات ديل خاربين اي حاجة ماسكين لي في الصدق بس

يسلمو طه عوض علي الموضوع الجميل

وما عدمنا مواضيعك الرائعة

تحياتي لك


[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alsababalsudani.alldiscussion.net
وحيدة سارحة
مشرفة المنتدي العام
مشرفة المنتدي العام
avatar

رقم العضوية : 50
مكآن آلآقامة : الامارات
انثى
الهواية المفضلة : الكتابة
المهنــة : طالب
كيف تعرفت علينا : صديق
مزاجك اليوم :
عدد المساهمات : 71
نقاط : 5946
السٌّمعَة : 11
آلآوســـــمة :

مُساهمةموضوع: رد: التربية و......التعليم؟؟؟؟   الإثنين أغسطس 02, 2010 11:37 pm

والله حرام عليهم ،،، الزول دا قصدو شريف ..


والله انا زاتي محيرانة التربية و التعليم دي ،، جد لانو في بعض المدارس خراب عديل ما عندها علاقة بالشغلة دي ..

غايتو الله يهون علينا بس ..

تسلم طه على الموضوع الجميل ..

تحياتي يا غالي وماعدمناك يارب ..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
قمر وراكبة همر
مشرفة قسم السفر والسياحة
مشرفة قسم السفر والسياحة
avatar

رقم العضوية : 31
مكآن آلآقامة : السودان
انثى
الهواية المفضلة : السفر
المهنــة : طالب
كيف تعرفت علينا : صديق
مزاجك اليوم :
عدد المساهمات : 157
نقاط : 6286
السٌّمعَة : 10

مُساهمةموضوع: رد: التربية و......التعليم؟؟؟؟   الثلاثاء أغسطس 03, 2010 1:40 pm

ههههههههههههه

مسكين

والله الاجناب ديل

هسة لزمه شنو انو يحفك الكتاب ويجي يسمعو


[
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
طه عواض
مقيم مبتدئ
مقيم مبتدئ


رقم العضوية : 58
مكآن آلآقامة : السودان
ذكر
الهواية المفضلة : المطالعة
المهنــة :
كيف تعرفت علينا : الهوتميل
مزاجك اليوم :
عدد المساهمات : 26
نقاط : 5880
السٌّمعَة : 12
آلآوســـــمة :

مُساهمةموضوع: رد: التربية و......التعليم؟؟؟؟   الأربعاء أغسطس 04, 2010 6:15 pm

والله تقولى شنو ياقمر...حاجة غريبة صح..لكن أحتمال عشان أتعلم جد جد

غايتو كان شفتو محروج جنس أحراج.. من الموقف ده..هاهاهاهاها
شكرا على المرور ياقمر..تسلمى ياغالية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
التربية و......التعليم؟؟؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي الشباب السوداني :: المنتدي العام-
انتقل الى:  
حقوق المنتدي
الساعة الأن بتوقيت (السودان)
جميع الحقوق محفوظة لـ{منتدي الشباب السوداني}
 Powered by ĞǾǾBỶ ЯaŝŦa ®alsababalsudani.alldiscussion.net
حقوق الطبع والنشر©2011 - 2010
تسجيل صفحاتك المفضلة في مواقع خارجية
تسجيل صفحاتك المفضلة في مواقع خارجية digg  تسجيل صفحاتك المفضلة في مواقع خارجية delicious  تسجيل صفحاتك المفضلة في مواقع خارجية reddit  تسجيل صفحاتك المفضلة في مواقع خارجية stumbleupon  تسجيل صفحاتك المفضلة في مواقع خارجية slashdot  تسجيل صفحاتك المفضلة في مواقع خارجية yahoo  تسجيل صفحاتك المفضلة في مواقع خارجية google  تسجيل صفحاتك المفضلة في مواقع خارجية blogmarks  تسجيل صفحاتك المفضلة في مواقع خارجية live      

قم بحفض و مشاطرة الرابط منتدي الشباب السوداني على موقع حفض الصفحات

قم بحفض و مشاطرة الرابط منتدي الشباب السوداني على موقع حفض الصفحات
مرحبا بك يا زائر انت الزائر رقم
dream weaver tracking